Adolmando : Fator Tolu Hamonu Ekonomia TL

Lafaek NewsReitor Universidade da Paz (UNPAZ) Adolmando Soares Amaral, afirma fator tolu, covid-19, impase polítika ho inundasaun 4 fulan Abril sai hanesan turbulénsia ba kreximentu ekonomia monu kedas ba porsentu 8.3 iha Timor Leste.

Haree husi tinan 2020 too 2021 ohin ekonomia monu, agora dadaun kreximentu ekonomia la sa’e, maibé menus 8.3%, ne’e negativu, tanba fatores lubun ida, primeiru impase polítika ida ne’ebe la’o ho tempo naruk, kontinua ho Eleisaun Antisipada, rejultadu husi Eleisaun Antisipada, ne’e atu harmoniza, maibé ikus mai sira ne’ebé hamutuk iha EA ne’e fahe malu, ita iha tan Inundasaun ne’ebe teritóriu tomak hetan dezastres, ikus liu hetan Kovid-19, maibé covid-19 ne’e la’os iha TL de’it, iha mundu tomak.

Ha’u hanoin ita haree husi ne’eba mai, tanba sira ne’e hotu talves maka nia implikasaun ba ekonomia ne’e ita negative ba 8.3% governu ka ita hotu bele ka’er ida ne’e hanesan razaun,’’ Informa Adolmando ba lafaek newsi iha nia kna’ar fatin UNPAZ, foin lalais ne’e, ita haree fali ba nasaun seluk, hanesan nasaun viziñu sira no nasaun sira seluk iha Europa, Afrika, Amerika, Asia Osidental ita haree ne’e hanusa ekonomia la’o normal,’ Adolmando arguments.

Reitor ne’e sublina, haree iha mundu infrenta hela Covid, maibé ema sira iha nasaun seluk ne’e nia prosesu dezenvolvimentu la’o normal no atividades la’o normal hela no iha nasaun balun sira nia kreximentu ekonomia di’ak liu iha tempo pandemia ne’e.

Agora se ita kaer de’it pandemia mak sai hanesan razaun para depois ita hateten dehan pandemia mak halo kresimentu tun ona ba 8.3% Negativu, ida ne’e mos laos razaun, tanba referénsia husi nasaun seluk bele hela, governu ohin loron tenta hela atu harmoniza kreximentu ekonomia ida negative 8.3% ne’e atu bele sa’e fali ba leten, ita bele atinji 1, 2, ate 5% iha ninia kresimentu ekonomia.

Tanba ne’e, governu hamosu polítika oi-oin para depois atu bele harmoniza ekonomia ne’e, polítika primeiru mak sira fo pagamentus $.200, atu bele motiva ema, atu ema bele halo atividades ruma bele ajuda estadu no governu hodi harmoniza Ekonomia.

Segundu mak subsídiu ba sextazika, terseiru atu fo tan subsídiu ba funsionáriubliku sira, meius sira ne’e hotu, governu halo ho hanoin ida katak atu bele harmoniza ekonomia atu bele sai husi ekonomia ne’ebé mak 8.3% atu lori kreximentu ekonomia ne’e sa’e ba leten.

”Maibé, depois de desizaun polítika sira ne’ebé VIII governu halo sira la bazeia ba estudus rumaida ne’e mak ita nia problema, se ita fo 200 dolar mak estudus ou referénsia saida mak ita halo ona,ezemplu se ita fo 200 dolar mais mentalidade ne’e mak konsumu hotu produtu importasaunsignifika osan ne’e la Rekopera ita nia ekonomia rai laran marekupera fali ekonomia rai liur tanba sira nia produtu ita konsumu,’’ Reitor ne’e hakotu.

 

 Formandu    : Leandrino Soares

Editór            : Agapito de Deus

 

166 Views

Fo opiniaun