Deskonfia PNTL Ida, Baku Gabriel Ho Nia Família

Lafaek News – Deskonfia membru Polísia Nasional Timor-Leste (PNTL), ida ho naran inisial MS hamutuk ho ema nain tolu baku komunidade kiik ida ho naran Gabriel da Cruz ho idade 40, iha aldeia Mulo Dare, Suku Mulo, postu admnistrativu Hatu-Biliko, munisípiu Ainaro.

         Vitima Gabriel da Cruz

Tuir vitima Gabriel da Cruz informa kazu ne’e akontese iha loron Segunda 9 fulan Novembru Tinan 2020, hafoin oras han meiu dia.

kronolójia husi akontesimentu ne’e mosu bainhira vítima Gabriel da Cruz  halo hela servisu hodi tama ba iha oras han meiu dia derrepente maka grupu ida tama ba nia uma ho familia  hodi halo asaltu no suspeitu ne’e utiliza mos ho pistola.

“Suspeitu ne’e PNTL duni maibé ema na’in tolu maka ha’u la hatene, nia sei pistola ba ha’u, tuku no tebe hau iha uma laran, sai mai to’o liur kuaze distánsia metrus 15, depois ha’u halai tiha ba kafé laran sira kontinua baku fali ha’u nia ferik oan no ha’u nia oan mane,” dehan Gabriel ba jornalista bainhira lori keixa ba hatama iha Komandu Jeral PNTL Kaikoli Dili Tersa semana ne’e.

Gabriel konta, iha asaltu ne’e nia parte labele halo asaun hasoru tanba membru PNTL ne’e rasik lori pistol ameasa, tan ne’e buka dalan halai ba kafé laran, tuir mai grupu ne’e tenke atake nia ferik ho nian oan iha uma laran,

“Hau monu tiha ba rai mos sira tuku tebe nafatin hodi halo hau nia tilun huun mos bubu boot, sorte hau nia ferik oan salva netik hau, depois hau halai ba tiha kafe laran, maibe sira baku fali hau nia ferik oan to dodok, kaer soe ba rai, depois nain rua baku tan hau nia oan mane no lori fatuk maka tuda tan, nia relata,” Gabriel haktuir.

Vitima ne’e hatutan, hafoin sira hetan baku, suspeitu ne’e hasai lia katak bele ba kexar ba ulun boot ne’ebe de’it iha nasaun laran.

“Sira prontu atu hasoru hodi hiit pistola ba loron leten, Inisiu hiit pistola último mos hiit pistola, suspeitu ne’e polísia maibe nia halo asaun ne’e uza sivil,” nia afirma.

Gabriel esplika, durante ne’e nia rasik laiha problema ruma ho membru polísia ne’e, bainhira membru PNTL ne’e lori karreta PNTL nian para iha nia uma, nia rasik hasee mai tuur, maibé membru polísia ne’e hasai kedan armas nasaun nian hodi see kedan ba povu kiik ne’e nia rentos la ho razaun fundamental ruma.

“Ha’u haree pistola entaun ha’u mos hakruk ho hakneak ha’u dehan labele ona atu foti asaun negativu ruma hodi hasoru nia, Tanba ne’e ha’u mos intrega aan to sira pankadas ha’u to bubu,” nia konta.

relasiona ho kazu ne’e, Vitima hatama ona keixa ba Komandante PNTL munisipiu Ainaro, Ministeriu Defesa, Ministeriu Públiku no  tuir mai sei hatoo mós keixa ba PDHJ, aliened ne’e vítima hakarak hatoo leixa ba lideransa nasionál hotu iha nasaun ne’e.

Familia vítima mós sente la satisfas ho atetude membru PNTL ne’e, husu autoridade kompotente atu halo investigasaun kle’an ba hahalok pesoal ne’e hasoru ema povu kiik ne’ebé la hatene buat ida, at liu lori tan kilat povu nia hodi halo tauk fali povu.

“Hahalok sira hanesan ne’e mak dalaruma povu ne’e mall komprensaun hatete fali lei ne’e laloos, afinal lei ne’e loos tanba deit hahalok pesoal individual iha instituisaun maka la loos, tanba lei forte maibe hahalok ema ida idak nian mak la di’ak,” Teki Liras  kestiona.

Hatan ba kestaun ne’e Portavoz Komandu Jerál PNTL Superintendente Xefe Arnaldo Araujo deklara, relasiona ho akontesimentu ne’e too agora nia rasik seidauk hetan informasaun, tanba informasaun ne’e foin tama.

“Ha’u hatene informasaun ne’e importante komunidade sira presiza hatene, maibé bainhira Polísia atu halo atuasaun tenki professional labele utiliza armas hodi ameasa ema ida,” porta vos Arnaldo relata

Nia hatutan, Uza armas amesa ema ne’e viola regras no utiliza armas ne’ebé mak la tuir prosedimentu, tanba ne’e lei disiplinar sei fo sansaun.

“Komando munisipiu tenki hatene klaru katak ema utiliza armas ne’e iha oras servisu, se fora husi nia servisu, ne’e hein fali informasaun husi nia komando munisipiu tanba saida maka buat ne’e akontese,” porta vós ne’e deklara.

Nia afirma, komandu tenke investiga, tanba saida maka akontesimentu ne’e akontese maibe loos duni kalae?, tanba ne’e komandu sei haruka ekipa ida hodi buka tuir tanba saida maka  buat ne’e akontese nia la’o privadi ka hala’o servisu ruma.

 

 

Jornalista            : Orlando Magno

Editora                 : Nelya Barros

729 Views

Fo opiniaun