EVC Apoiu Nesesidade Bázika Ba Vítima Inundasaun Hamutuk 48

Lafaek News—Ekipa Voluntáriu Credo (EVC) ohin (15/09/2021) apoiu nesesidade bazika hanesan foos ho sumpermie ba vítima Inundasaun iha loron 4 Abril hamutuk 48 iha kampu real madrid suku Manleuana hodi aguenta moris. 

Atividade ohin ne’e ami mai fo apoiu ai-han ne’ebé sufisiente ba maluk (refujiadu) sira hodi responde netik loron ida rua nian, ajudu sira ne’e lakobre total ba sira nia kbi’it la tuir sira nia hakarak maibé bele apoiu hodi nune’e sira iha forsa nafatin iha fatin refujiadu ne’e,” dehan Prezidente EVC Olinda Fernandes, ba jornalista iha kampu real madrid manleuana, kuarta (15/09/2021).

Ai-han ne’ebé distribui ba maluk refujiadu sira maka foos, supermi. Antes ne’e mós iha eventu dia 30 Agostu ne’e ekipa halo ona apoiu ba vulneravel sira no mós ba oin sei kontinua apoiu ba maluk sira seluk.

Iha fatin hanesan xefe aldeia Lisbutak Alicino Guterres, hato’o agradesimentu boot ba ekipa EVC, tanba bele apoiu ona ai-han natoon ba familia dezastre naturais hamutuk uma kain 48 iha Manleuan hodi bele sustenta ba sira nia moris.

 Agardese ba ekipa voluntáriu credo bele mai apoiu ona maluk refujiadu sira iha manleuana hamutuk 48 familias, maske la barak liu maibé bele aguenta ba loron ida rua nian,” dehan xefe aldeia.

Nune’e mós, vítima dezastere naturais Marta Soares, informa, durante hela iha fatin refere susar liu  ba ai-han no toba fatin, agora tempu udan ona posibilidade bee bele lona okos.

Ajuda ne’e iha semana ida rua mai ajuda, maske uituan-utuan maibé ba ami sente di’ak, trsite liu maka ami toba ladi’ak, tanba agora tempu udan  be’e mosu fali husi biti okus,” dehan nia.

Enkuantu komunidade refujiadu iha kampu real madrid hamutuk 80 no 32 re-integra ona ba sira nia uma no uma kain, 48 maka kontinua hela iha lona okos, husi abitante ne’e bebe ho idade 0-1 nain 15, labrik ho idade 2-5 nain 35, idade 6-17 nain 85, idade 18 ba leten nain 127, no inan isin rua nain 3.

 

Estajiadu : Tome Expostu

Editór      : Pedro de Almeida

 

311 Views

Fo opiniaun