Fans Assanami Husu Mariano Kompete ELPR 2022-2027 

Lafaek News– Movimentu Joven sira iha Aileu ne’ebé hanaran an “Fans Assanami” no MJSD halo deklarasaun ba públiku apoiu inkondisionál totalidade ba Mariano Assanami Sabino atu bele kandidata an atu kompete iha eleisaun Prezidensial 2022.

Ami nudar jerasaun mileniál, sei hamutuk ho jerasaun foinsae (kontinuador) sira no Timor-oan tomak husu ho haraik an ba Eng. Mariano Assanami Sabino atu bele kandidata an hodi kompete iha Eleisaun Prezidente Republika 2022 husi Frente Klandestina nian,” afima koordenador Fans Assanami Agostinho de Fátima Boavida iha munisipiu Aileu, sábadu (27/11/2021).

Koordenador Fans Assanami, Agostinho de Fatima Boavida iha Munisipiu Aileu esplika objetivu husi Fans Assanami mak atu Koordena no materializa Assanami nia vizaun hodi harii Sosiadade  Demokrátiku, harii Timor foun ida ba Timor oan tomak “inklui apoiu inkondisional ba Mariano Assanami Sabino atu kontinua luta ba povu nia moris ba tinan 50 oin mai liu husi desizaun polítika ne’ebé nia assume iha kualker pozisaun iha Estadu RDTL inklui Prezidente Repúblika nudar aman ba nasaun nian ne’ebé bele asegura no garante hatuur fila-fali Konstituisaun Republika ho lolos.

Deklarasaun apoio ba kandidatu ne’e halo iha Monumentu Prezidente Nicolau Lobato, Aisirimou Aileu ne’ebé tuir movimentu joven sira ne’e nudar momentum istóriku ida ba sira.

Ohin ita deklara apoio ba Mariano Assanami Sabino iha Monumentu Prezidente Nicolau Lobato hanesan parte ida importante no marka istóriku, tanba iha Munisipiu Aileu maka Deklara insureisaun Armada loron 15 fulan Augusto tinan 1975, ohin ita deklara Assanami iha fatin ida ne’e atu jerasaun foun sira bele hetan inspirasaun foun husi prosesu luta lebertasaun patria no konspira an sai ema nasonalista no kontinua luta patriótiku Prezidente Nocolau Lobato nian,” Katak nia.

Deklarasaun ne’e hili mos data ne’ebé importante iha ámbitu komemorasaun Povu Timor-Leste nian ba Proklamasaun Independénsia 28 Novembru ba dala 46.

 

Jornalista : Acacio pinto

Editor         : Agapito de Deus

612 Views

Fo opiniaun