FONGTIL Rejista Violensia Hasoru Feto Hamutuk 38%

Lafaek News—Forum Organijasaun Naun Governamental Timor Leste (FOGNTIL), rejista violensia hasoru feto no labarik feto iha Timor Leste hamutuk pursentu 38.

Tuir Diretor ezekutivu FONGTIL, Daniel Santos do Carmo, imforma, problema violensia ne’e jeral tanba ne’e parte sosiendade sivil kontinua hala’o kna’ar hodi kontribui ba redusaun hasoru feto no labarik feto sira.

“Ita nia kna’ar iha ne’e konvida governante no parlamentu mai fasilita membru sira, liu-liu rede feto organizasaun sira ne’ebé servisu ba feto sira nia prezensa iha ne’e atu komunika ho governu hodi hato’o sira nia rekomendasaun sira,” dehan Diretur Ezekutivu Daniel Santos do Carmo, ba jornalista sira hafoin remata dialogu, sesta (8/10/2021).

Nia hatutan, iha atividade dialogu ne’e foka liu ba objetivu konaba asuntu feto no labarik feto, ne’ebé hasoru violensia.

“Ita hatene katak violensia hasoru feto iha ita nia rai ne’e rezista pursentu 38,” tenik nia.

Diretor esplika tan, objetivu prinsipal ida maka atu komunika rezultadu servisu rekomendasaun  dezafiu sira ne’ebé orientasaun sosiedade sivil sira deskobre aprezenta ba governante sira, sosiede sivil nia papel importante atu konribui hodi redus violensia hasoru feto no labarik feto ho vuneravel sira, no fasilita komunikasaun entre organijasaun sosiedade sivil ho governante sira.

Nune’e mós nia esplika, rekomendasaun sira husi sosiedade sivil ba governu parlamentu sira, nune’e sosiedade sivil kontinua halo nia papel hanesan parseiru kritiku ba governu, no mós husi edukasaun konsiensializasaun oinsa atu respeita feto no konsiente katak iha problema oinsa atu resolve tuir dalan legal, maibé sei mininu tanba nemaka violensia feto kontinua rezista.

“Ita halo parseiru kritiku ne’e intermus de suplai dadus informasaun evidensia sira para ajuda parlamentu ajuda guvernu halo desizaun ne’ebe bele fó resposta ba problema ne’ebe ita enfrenta liu-liu hasoru feto no labarik feto. Ita iha  Timor Leste ita iha legislasaun lubuk ida ne’ebé proteje ba vitima sira husi domestika no labarik feto sira ita iha kodigu penal ita mos iha lei  violensia domestika lei sira ne’e protejidu,”

Iha fatin hanesan Diretor geral sekretariu estadu igualdade inkluzaun Armando da Costa, dehan, atividade seminariu ne’e organiza husi FONGTIL ho Sosiedade Sivil kona-ba partisipasaun feto iha politika, negosiu no iha kna’ar professionál ninian, oinsa kontribuisaun ba iha redusaun bazeia ba generu violensia hasoru feto no labirik feto no vuneravel sira.

“Violensia hasoru feto tuir dadus peskija ninian agora dadauk tempu ida agora ne’e ita timor leste 38 %  feto maka iha esperensia ba violensia ida ne’e akontese husi sira nia parseiru ka sira nia doben, idade 15 to 49 bajeia ba peskija,” nia informa

Tuir nia atu redusaun ba problema ne’e guvernu liu husi sekretariu estadu igualdade inklusaun, ho ninia parseiru sira hotu esabelese planu asaun nasionál kontra violensia bazeia ba jeneru.

“Iha planu ne’e ita estabelese pilar hanesan prevensaun oinsa halo dezeminasaun informasaun dialogu diskusaun sira para bele mudah ema nia mainset ema nia atitude hodi bele konribui prevensaun kaju violensia hasoru feto,” hateten Armando.

Estajiariu : Azelio da Cruz

Asisten Editór : Pedro de Alemida

436 Views

Fo opiniaun