INCTL Ho Parseiru Lansa Estudu Viabilidade No Sei Instala Software iha TL

Lafaek News—Institutu Nasionál Siénsia Teknolojia (INCTL) hamutuk ho koperasaun sira liu husi zoom mitin lansa kona-ba estudu viabilidade inklui instala software iha Timor Leste ne’ebe sei apoiu husi Nasaun Tolu Portugal, Holanda no Timor Leste.

Tuir Diretor ezekutivu Institutu Nasionál Siénsia Teknolojia (INCTL) José Cornelio Guterres, afirma, objetivu husi lansamentu ofisial ida ne’e atu hala’o estudu viabilidade kona-ba projetu rua ida sei halo estudu kona-ba repositório digital ne’ebé sei harii iha tinan oin.

Atu instala software ita halo estuda ida ne’e iha fulan tolu liu ba INCTL halo proposta ida ba UNIAO Europa sira aseita no bele ajuda INCTL  bele fornese peritu sira husi Nasaun Kanada, Portugal, Olanda  ho Timor-Leste, maka sei hala’o estudu durante fulan 6, depois reemata sei instala software repository digital iha tinan oin,” dehan Prezidente INCTL José Cornelio Guterres, hafoin partisipa zoom mitin iha nia knar fatin Balide, tersa (12/010/2021).

Nia esplika, kooperasaun ida ne’e iha Ministériu Negosiu Estranjeiru nia okos ne’ebé hanesan intermediu nian koopera ho Uniaun Europeia, no iha oragnizasaun husi nasaun pasífiku maka implementa projeitu ne’e no Uniaun Europeia maka finansia, maibé iha prosesu estudu viabilidade ne’e ekipamentu no rekursu ne’e maka sei uza.

Estuda viabilidade nia rezultadu sira sei identifika ekipamentus saida maka ita sei uza hodi instala software ne’e depois rekursu umanu saida maka sei presija, sira sei forma rekursu umanu balun para bele kontinua software ne’e ba oin. Ami INCTL ida hanesan teknikamente nia suporta maibe liu husi estudu  ida ne’e maka sei identifika peritus, ami sei rekruta hodi sira bele halo estudu biabilidade,” nia imforma.

Enkautu iha parte seluk Diretor Jerál ba Asuntus Multilaterais no rejionál Ministériu Negósiu Estranjeiru Kooperasaun (MNEK) Jesuino Alves, fundamenta, inisiativa ida ne’ebe lansa primeira projeitu ne’ebe ke atu kria repozitoriu Digital nasional, ne’e duni sei halo peskiza lubuk ida, mas peskiza hirak ane’e sei tau iha digital repozitriu para ema hotu hotu bele asesu ba imformasoens resultadu peskiza nian,

Ha’u hanoin ida ne’e makro importante ida ba dezenvolvimentu iha area peskiza sientifiku Timor Leste nian, iha primeira faze projeitu ne’e la’o ba oin diak fututru ita sei bele hetan asesu projeitu ne’e mais depende ba ita nia nesesidade,” tenik nia.

Jornalisa : Tome Exposto

Editór      : Agapito de Deus

67 Views

Fo opiniaun