Kompañia Flamingo La Selu Salariu Sidadaun Bangladese Ida Durante Fulan 8

Lafaek News—Kompañia Flamingo agora supermerkadu nain husi nasaun Bangladese ne’ebe loke negosiu iha Timor Leste, abandona rasik nia traballador ida ho naran kompletu Nasim Raza servisu nu’udar jestór komputadór iha kompañia Flamingola la selu saláriu durante fulan 8 loron 15.

Nasim Raza  haktuir , nia patraun rasik ema bangladese, maibé abandona nia, tanba ne’e nia laiha osan atu selu uma hela no laiha ona osan atu sosa hahan, tan ne’e Nasim hela fali ho Timor oan iha suku Kolmera hodi moris ho etu mutin kahur be mutin durante fulan ualu (8) hodi hein nia patraunn tau matan maibé nia patraunn lakohi tau matan to’o agora.

“Ha’u halo kontratu ho ha’u nia patraun ne’e ba tinan 3, no ha’u halo ona servisu durante fulan 19 ho  loron 15, no patraun konsege selu ha’u nia saláriu fulan 11, maibé hela de’it fulan 8 loron 15 maka patraun seidauk selu ha’u ikus mai loja ne’e taka tanba sasan la folin relasiona ho pandemia Covid 19” Esplika Nasim Raza ba Lafaek News iha suku Kolmera, domingu 08/11/2020

Nasim Reza hatete, supermerkadu Amingo agora, loke iha loron 19 de Abril 2019 no taka iha 15 de Maiu 2020,  tanba sasan la fólin, no iha 20 fulan julu 2020 patraun selu ikus ba nia traballadór sira, maibé Nasim mesak mak lasimu saláriu, tan ne’e hein liu loron 6 laiha nafatin nia halo keixa ba SEFÓPE iha loron 27 fulan julu tinan 2020 no rejigna an husi kompania no ba hela ho Timor oan iha suku Kolmera.

Ho nune’e, iha 28 SEFÓPE halo inspesaun hodi bolu parte rua hodi halo mediasaun, maibé patraun haruka nia advogadu ba SEFÓPE halo mediasaun, maibé iha media saun ne’e avogado patraun akuza Nasim dehan halo aktividade kriminal nune’e kazu ne’e kontinua lori ona ba Ministerio Públiku.

no iha loron 27 fulan Julu 2020 ekipa husi Polísia nasional Timor-Leste nain rua halo investigasaun no prende nia pasaporte to agora sedauk fó fila tanba Nasim agora infreta hela probemla hamlaha no finaseira,

iha loron 11 fulan Agusto Nasim halo mós keixa ba polísia dehan nia la nauk osan tanba kada loron Nasim sempre halo relatoria ba nia patraunn maibé nia patraun keixa nia ba polísia dehan nia nauk osan ho montate $ 4.000 tanba ne’e nia esplika ba polisa katak iha loja iha kamera CCTV hamutuk 32 , tanba ne’e nia husu ba Patraun hatudu faktus ba polísia maibé to agora patraun la fó faktus ba parte Polísia hodi prosesa kazu ne’e lalais.

Nia hatutan, triste tebes tanba  saida maka patraun la fó hatene nia anates , maibé patraun rasik keixa ba polísia dehan nia na’ok osan maibé agora dokumentu sira iha Nasim hotu  hein atu hatan ba lei iha Timor Leste.

“Tanba ne’e ha’u husu ba Média atu ajuda ha’u hatutan ba Intitusaun estadu Timor Leste atu bele halais ha’u nia kazu tanba ha’u sente triSte loos tanba fulan 4 ona ha’u moris ho komunidade ne’ebe nia hahan diferente ho ha’u nia hahan ne’e maka ha’u triste liu tanba ne’e ha’u bele oho a’an tanba kazu ne’e kleur liu no ha’u laiha ona oprtunidade atu hetan servisu seluk hodi buka osan fila ba ha’u nia familia iha banglades,” tenik Nasim

Iha Parte seluk alin rasik husi Nasim Raza ho naran Tuhin Reza infórma ba lafaek news liu husi media Sosial whatsapp katak hanesan alin nia sente triste tanba nia maun infrenta prolema ne’e iha Timor, tanba ne’e nia husu ba Governu atu ajuda nia maun Nasim Reza hodi rejolve nia problema hodi hetan solusaun ba nia kazu iha Timor.

“Ha’u husu ba governu Timor-Leste atu ajuda ha’u nia alin buka solusaun ba nia problema hodi nia hetan nia direitu nu’udar traballadór no rejolve mós nia pasaporte atu nune’e nia bele fila mai Bangladesh ho seguru no saudável,” Dehan alin Nasim ho naran Tuhin Reza ba Lafaek News via média sosial domingo (08/11/2020)

Parte seluk Timor ona sira ne’ebe durante fó han ba Nasim Esplika ba Lafaek News katak Nasim nia vida moris agora arasak los tanba nia la iha osan no la iha hahan ho ida ne’e sira fó hahan ba nia no fó kuartu ida ba nia toba durante fulan ha’at ona

“Ami hare nia ami triste los tanba nia la iha hahan no la iha osan entaun ami bolu nia mai ami hatete ami Timor nia hahan maka han etu mutin no kanku maibé ita boot hakarak han bele han tanba ne’e nia obriga aan tenke han ho etu mutin loron loron  ho be mutin deit tanba nia ema Islam entaun la han arbiru,” Dehan  Azeca da Silva Martins  Ne’ebe dunate ne’e tau matan ba Nasim iha nia uma iha suku Kolemra.

Iha sorin seluk, Lafaek News halo konfirmasaun ho na’in ba kompañia Flamingo Agora Supermerkadu ho naran Arif Oz Zaman maibé nia hatan ohin ne’e loron domingo ita presiza ho familia imi hatene idaa ne’e ka lae.

“karik imi hakarak ko’alia ho ha’u imi tenke hatene uluk substansia ba problema ne’e no imi tenke hatene agora iha jogu bo’ot mak la’o hela iha ita nia le’et, se imi lahatene problema la bele koalia nar-naran de’it tanba hau bele haruka ha’u nia ema ba imi nia instituisaun” ameasa husi na’in ba kompañia Flamingo Agora Supermerkadu, Mr. Arif Oz Zaman hasoru Jornalista Lafaeknews.com domingo foin lalais liu husi viatelefone.

Jornalista       : Felisberto F. da Costa

Editora           : Nelya Barros

832 Views

5 thoughts on “Kompañia Flamingo La Selu Salariu Sidadaun Bangladese Ida Durante Fulan 8

  • November 10, 2020 at 8:31 am
    Permalink

    Yes,i am the victim. I sm md nasim reza tusar. My boss didn’t pay my salary from last 8 mknths & 15 days also bous,leave salary etc. 27 july i companined to sepfope but no result. Now my all documens is in ministerio public. I don’t have ang job here, my family in Bangladeshi also is in problem. The local Timorese people are giving me food. My boss bring me here from Bangladesh with his responsibility bug now he left his responsibility about me. Please help me some ond i want to go back to my countr. Police also took my passport so i can not find any job here. I request to ghe honorable government of Timor Leste please solve my problem as soon as possible & send back md to my countr. Thanks a lot to lafaek news to publish my nesw.

    Reply
  • November 10, 2020 at 8:34 am
    Permalink

    Yes,i am the victim. I sm md nasim reza tusar. My boss didn’t pay my salary from last 8 mknths & 15 days also bous,leave salary etc. 27 july i companined to sepfope but no result. Now my all documens is in ministerio public. I don’t have ang job here, my family in Bangladeshi also is in problem. The local Timorese people are giving me food. My boss bring me here from Bangladesh with his responsibility bug now he left his responsibility about me. Please help me some ond i want to go back to my countr. Police also took my passport so i can not find any job here. I request to ghe honorable government of Timor Leste please solve my problem as soon as possible & send back md to my countr. Thanks a lot to lafaek news to publish my news.

    Reply
  • November 14, 2020 at 5:06 am
    Permalink

    Padraun modelo hnsa nee merese ba kadeya.. Responsabilidade la iha liu ba nia trabalhadores sra..

    Reply
    • July 13, 2021 at 6:14 am
      Permalink

      Hanesan Timor oan sente triste rona Ema Lao Rai Ida husi Bangladesh hato’o Nia sentimentu Moris susar iha Timor Leste. Hakarak rekomenda deit ba Estado Timor Leste, Liu Liu Iha Governasaun Oitavo Governu nebe lidera husi Apa Taur matan ruak, oinsa bele hare sidadaun Ida ne Nia kondiasaun no situasaun para hodi Nune halo deportasaun ba iha Nia Rai Bangladesh. Ohin Estado Timor ajuda Nia labele selu, mais iha loron Ida Estado Bangladesh sei tulun Ita ho oioin.

      Husu ba kolega (Nazim Reza Tusar) atu Forsa nafatin hasoru dezafiu saida deit Mak mosu.
      Basa dezafiu hirak ne sai hanesan sasukat ida, para oinsa Ita bele hatene Moris terus ho susar husi nasaun Ida ba nasaun seluk.

      Reply
  • July 13, 2021 at 6:22 am
    Permalink

    Estado Timor Leste tenki MOS tau atensaun

    Reply

Fo opiniaun