Kovalima-Oan 600 Sei Submete ba Teste Swab

Lafaek News—Koordenador Jerál EKSES COVID-2020, Mario Tilman informa, EKSES COVID-2020 Organiza Kovalima oan hamutuk 600 eskola no buka moris iha kapital Dili ne’ebé hakarak fila ba munisipiu sei submete ba teste swab iha faze daruak.

“Ita esplika ona ba maluk kovalima oan sira bainhira rona rezultadu teste swap mak hetan rezultadu pozitivu tenke kopera ho ekipa Saude hodi kumpre Izolamentu tanba ita nafatin kria kondiaaun oinsa sira mos fila ba munisipiu,” dehan Koordenador Jerál EKSES COVID-2020, Mario ba Lafaek News Iha Sede Renetil Farol Dili, Sesta semana ne’e.

Mario esplika, Iha etapa II hahu rejistu iha loron 24-30/05/2021 no Test swap ne’e fahe ba faze 4, faze dahuluk mak ohin 04/06 faze da ruak sei halo test swap iha loron 07/06, faze da-tolu monu iha loron 10/06 no faze da-haat sei halo teste swap iha loron 13/06/2021.

“Kovalima oan sira ne’ebé atu ba munisipiu swi halo tuir teste swap hamutuk ema nain 440 hira ne’e hotu ekipa EKSES COVID-2020 fahe sira ba  faze 4 tanba ema barak liu entaun kada faze ida ita fahe ema nain 110,” Nia relata.

Koordenador ne’e deklara, lolos ekipa EKSES COVID-2020 atu termina ona mandatu maibé haree Maluk Kovalima oan nia halerik ne’e mai entaun ekipa nafatin eziste hodi responde estudante sira nia preokupasaun.

Maske EKSES la’o ses husi nia objetivu advokasia ho apoiu komunitáriu, maibé ho voluntariamente hakarak tulun Kovalima oan sira ho kbiit ne’ebé iha ne’ebé hakarak fila ba Kovalima, más laiha transporte tan ne’e ita esforsu hodi tulun malu iha situasaun sira hanesan ne’e.

Nia informa, Tuir planu EKSES nia katak sira ne’ebé halo teste swap iha faze daluhun, bainhira too loron 06/06/2021 rona rezultadu loron tuir sira bele ona munisipiu karik iha balun mak hetan rezultadu pozitivu ba kumpre regras iha kuarentina depois mak sira ba fali iha etapa tuir mai.

 

 

Jornalista  : Orlando Magno

Editor        : Agapio de Deus

576 Views

Fo opiniaun