MEJD-BNCTL Asina MoU Sei Ezekuta Osan Millaun $20-Resin Ba Projeitu Infraestrutura Bazika 204

Lafaek News—Ministériu Edukasaun Joventude no Desportu (MEJD) asina nota entendimentu (MoU) ho Banku Nasionál Comersiu Timor-Leste (BNCTL), hodi ezekuta orsamentu fundus husi transferènsia Publika hamutuk $(20.887. 798. 66 Cen) ba projetu hamutuk 204 iha territoiu tomak.

Tuir Diretora Jeral Politika Planeamento no Inkluzaun (MEJD) Odilia das Dores UNG Martins imforma, iha tinan ne’e projeitu  komuntaria  ba eskola hamutuk 196 iha munisípiu 12 inklui RAEOA.

“Iha inisiu ita iha projetu atu estabelese 196 eskola iha 12 Munisipiu atu aumenta sala de aula hamutuk (554), tuir loloos iha inisiu 196 agora aumenta tan ba 204 eskola ho total sala de aula 557 tanba ida ne’e mak ita hotu hatene katak lalaok husi orsamentu fundus transferensia Publika,” dehan Odilia das Dores UNG Martins ba jornalista sira iha sala VIP vila Verde Kuarta (06/10/2021).

Enkuantu asina nota entendimentu ne’e Ministru Edukasaun  Juventude no Desporto, (MEJD) Armindo Maia, hatete, orsamentu millaun $20 resin ne’e ba kontrusaun eskola sira iha Timor Leste.

“Ita hotu mai hamutuk iha ne’e atu partisipa no sai sasin serimònia asinatura  MoU entre MEJD no BNCTL kona-ba atu loke konta bankaria no aumesmo tempu tranferensia osan ba BNCTL orsamentu Estado 2020/2021  liu MEJD  aloka ba iha konstrusoens eskolas edukativa sira liu husi  transferensia publikas,”  dehan Armindo Maia.

Iha Fatin  Hanesan Diretor BNCTL  Brígidio de Sousa, katak inisiativa ne’e partikularmente atu hadia eskola sira liu husi atividades ka involvimentu husi grupu komunitaria sira.

“Ita nia ema rasik Maka halo projetu sira ne’e, BNCTL  hakarak  hato’o apresiasaun boot teb-tebes ba fiar ne’ebé maka husu Minist’eriu fó mai BNCTL tnba projetu ida boot tebes ho montante osan ne’ebé ke boot,” Nia Esklarese.

Diretor hatutan tan, grupu komunitaria  ba programa konstrusaun no rehabilitasaun infraestrutura edukativa  sira  ne’e hetan apoiu ministériu bainhira osan transferensia ona ba BNCTL.

“Ami hakarak hato’o ami nia kompromisiu katak ami sei ajuda fasilita serbisu ida ne’e komesa husi ohin ita asina MoU ida ne’e ba too iha tinan 2022 to’o hetan nia finalidade,” tuir nia.

Enkuantu  tinan ida ne’e  projetu komuniatria hetan fundus husi transferènsia Publika hamutuk millaun $20.887. 798. 66.

Jornalista : João da Costa Soares.

Asisten Editór : Pedro de Almeida

183 Views

Fo opiniaun