METO Kestiona MTK Aluga Ro Transship ll Substitui Nakroma Ho Succes

LAFAEK NEWS–Portavoz Movimentu Estudante Tane Oe- Cusse (METO) hatete, lansa Konférensia Imprensa hasoru Ministériu Transporte no Komunikasaun (MTK) aluga Ro ahi transship ll hodi substitui Ro nakroma ho succes o razaun ro ahi rua ne’e kondisaun at ona presija halo manutensaun.

Durante tempu Konfinamentu Obrigatóriu no Serka Sanitáriu susar tebes ba povu Ambeno no Atauru atu halo viajen ba mai tanba transporte Ro laiha no govenu rasik hateten agora ita moris iha pandemia covid-19 ita labele viajen ba mai ita tempu konfinamentu obrigatóriu nia laran, povu Atoni no Atauru ho konsiénsia tomak kumpri desizaun Governu, hotu-hotu hakmatek iha sidade Dili hanesan meus ida, kumpri protokolu saúde ninian hodi evita transmisaun komunitaria Covid-19 ba ema seluk Dehan Portavoz Abilio da Cruz Quefi ba Jornalista Sira halo konferensi imprensa iha Jardim 5 de Maiu Kuarta (13/10/1021).

Iha fulan kotuk bainhira Konsellu Ministru foti desizaun atu hakotu konfinamentu obrigatóriu no serka sanitaria iha Timor hodi normaliza situasaun hanesan babain ne’ebe bazeia iha rezultadu serbisu husi ministeriu saúde katak porsentu ba kazu Covid-19 tun ba bebeik, tanba ema barak simu ona vasina no transmisaun komunitaria ladun iha ona.

Ita movmentu estudante tane Oe-cusse lamenta tebes ho Govemu nia desizaun ne ebé nunka tau prioridade ba problema Ro ninia, no daudaun Govemu laharee Ro Samudra bintang 8 neebe ho kondisaun la favoravel hodi tula pasajeinu Dili Oe-Cussi no Atauru Dili tanba Ro brefere so bele tula sasan no kareta, maibe labele tula pasajeiru” Nia Esplika.

Nia Afirma Problema kona-ba Ro la’os foin akontese, akontese beibeik kada tinan no iha tempu ba tempu povu Oe-cusse no Atauru sempre halerik ba Ro, maibé Govemu nunka tau prioridade hodi buka solusaun ba problema Ro ninia signifika katak governu liu husi MTK laiha responsabilidade ba ninia povu rasik tamba la buka alternativa, Ro foun ida atu substitui Ro Nakroma.

Ami rekomenda ba Primeiro Ministru atu toman atensaun ba problema Ro ne’ebé da-daun sai preukupasaun ba povu Oe-cussi no Atauru no mos ami husu ba (FONGTIL) hanesan sosiedade sivil ne’ebé sempre defende povo kabiit laek sira nia lian no preukupasaun hodi halo advokasia ba Governu kona-ba problema Ro ne’ebé nunka iha solusaun ba povo” Nia hakotu.

Jornalista : Joni Mau Risa

Editór       : Agapito de Deus

111 Views

Fo opiniaun