MS Inaugura Sala Emerjénsia SSK, Odete Husu Médiku Kuida

Lafaek News–Ministra Saúde (MS), Odete Maria Freitas Belo, ofisialmente halo inaugurasaun sala emerjénsia Sentru Saúde Komoro (SSK) ne’ebé gastu ba reabilitasaun ho montate osan  hamutuk rihun 58.

Husu nafatin uma ida ne’e ita nian, ema fó ona ba ita,  ba médiku , enfermeru favor ida ita hotu-hotu hamutuk tau atensaun ba uma ida ne’e la bele aat, nune’e bele fó asistensia ita-nia komunidade, ita-nia sidadaun ba ita-nia povu liliu ba komunidade iha area ida ne’e”, dehan Odete iha Sentru Saúde Komoro, sesta (01/10/2021).

Ministra mós hatoo agradesimentu ba kooperasaun no kontribuisaun maluk Timor ho nia ekipa ne’ebé forte, tanba  bele konvense Embaixadór Austrália hodi apoiu sira-nia servisu.

Ida ne’e servisu ne’ebé mak la’ós fasil, servisu ne’ebé ita boot sira  tenke hiit no esforsu ne’ebé mak halo iha area saúde nian,” hatete nia.

Enkuantu ho situasaunCovid-19 nia bele hadia  liu-liu sistema infraestrutura iha area saúde nian, maske nune’e  Ministériu saúde halo hela maibé konta mós parseitu importante sira nia apoiu.

Servisu ida ne’e la’os Ministériu Saúde nian, la’ós Ministériu Saúde mak buka lae, ida ne’e bele dehan naturalmente liuhusi Munisípiu nia esforsu, signifika katak nia hatene buka ona rekursu atu kompleta Ita-Boot sira-nia servisu,”hakotu nia.

Iha sorin seluk, reprezentante Embaixadór Austrália, Carl Shillito hatere, governu Austrália kontente tebes atu apoiu atividade hadia servisu ensiais hanesan ne’e, tanba fó oportunidade ba forsa traballador saúde atu fornese kuidadu ne’ebé salva ema-nia moris.

Sala Emerjénsia ida ne’e sei apoiu Professionál saúde sira ne’ebé servisu iha fatin ne’e, atu hadia prevensaun no kotrola hadaet TBC tanba fasilidade ho distansia sufisiente atu halo observasaun ho distansia sosial no ida ne’e sei asegura partisipasaun ekipa ne’ebé servisu saúde esensiais no responde ba pandemia Covid-19,” afirma Shillito

Jornalista : Sandi Belo

Editór       : Agapito de Deus

172 Views

Fo opiniaun