SEKooP Sujere Estrutura Eleitu CU-ROHALIK Kuidadu Vida Kreditu

Lafaek News—Sekretáriu Estadu Kooperativa (SECoop) husi serimónia tomada de posse husu ba Estrutura eleitu Kréditu Uniaun – Rai Osan Hamutuk Liberta Oan Ki’ak (CU-ROHALIK) 17  no tenke kuidadu vida kreditu no tenke servisu makas.

Tuir Sekoop Elizariu Ferreira hato’o asuntu ne’e hafoin fó posse ba estrutura eleitu CU-ROHALIK 17 iha East Timor Coffee Institute (ETCI) Gleno, Munisípiu Ermera.

“Husu ba estrutura eleitu CU-ROHALIK atu kuidadu vida kreditu uniaun sira hodi jere didi’ak osan sira iha kreditu, no dirijente sira sura ita nia osan rasik no kuidadu ba kooperativa nia misaun no oinsá atu jere rasik  iha sira nia kooperativa, hanesan matéria jestaun finanseira,” dehan SECoop Elizáriu Ferreira hafoin fo pose eleitu sira, iha Kampus ETCI Gleno, sesta (09/10/2021).

Governante ne’e imforma, liu husi servisu koperativa bele rai osan ba eskola nian atu nune’e oan sira bele asesu eskola iha banku universidade sira.

“Agora, iha simpanan barak loos, simpanan loron jadian nian, no simpanan ba edukasaun, agora ita rai osan, ba eskola nian tinan sanulu mai ita iha ona osan hodi selu ba eskola,” nia esplika.

Nune’e mós Sekretáriu Estadu mós husu ba membru sira bainhira atu empresta tenke servisu maka’as maibé labele empresta de’it tanba bele hamate kreditu uniaun sira ne’ebé mak envolve.

Alende ne’e Prezidente Eleitu CU-ROHALIK Mário Madeira husu ba  SECoop atu kontinua fó formasaun akuntabilidade tanba sei menus koñesimentu ba matéria ne’e.

“Hanesan Estrutura Eleitu husu ba Eselénsia Sekretáriu Estadu Kooperativa atu kontinua fó formasaun akuntabilidade ba ami tanba ami iha ne’e sei menus kona-ba siénsia akuntabilidade ne’e,” Sujere Prezidente CU-ROHALIK.

Antes ne’e  Sekretáriu Estadu Kooperativa SECoop fo ona treinamentu báziku ba membru Coperativa atu ema hotu ne’ebé harii ona kooperativa bele iha ona koñesimentu báziku sira.

Entretantu estrutura CU-ROHALIK  kompostu husi Konselleiru Nain 5 no Estrutura Dirijente Coperativa hamutuk 11 nune’e konseleiru no Dirijente hamutuk 17 iha Postu Administrativu Glenu Munisípiu Ermera nian.

 

 

Jornalista : João da Costa Soares

Asisten Editór : Pedro de Almeida

194 Views

Fo opiniaun